_Master_
Reporter
Karma: +12/-5
Offline
Posts: 31
Fighting for peace is like screwing for virginity
|
|
« Reply #2 on: June 24, 2013, 10:23:01 AM » |
|
Како што напоменав пред некој половина час во прилог ви го доставувам интервјуто со Ivo5, прочитајте што има да сподели со вас драги читатели.
Драго ми е што повторно се гледаме во еден вака преубав амбиент, ви посакувам топло добро дојде. Од нигде никаде и повторно се активиравте за квалификациите на самото првенство, искрено не ве очекував да ве видам во овие квалификации, дека не ве забележав во премиерната Лига на Шампиони.
Ivo5: Како прво би сакал да ти се заблагодарам за поканата на ова интервју. Голема чест ми претставува да бидам интервјуиран од официјален репортер на Империја Онлајн Репортерската агенција. Да, точно е дека не учествував во Лигата на Шампиони. Тој период се играше завршницата на r. 53 и борбата за дворци ми одзема многу од времето кое го имав се помалку во тој период. Поради пропуштената Лига на Шампиони, решив да се натпреварувам оваа година на Светското Првенство и да се обидам во составувањето на една комплетна македонска Империја Онлајн екипа.
На самиот почеток кажете ми, од каде ја добивте оваа желба за најмасовната стратешка игра ? Колку време веќе ја играте и како ги стекнавте вашите никови ?
Ivo5: Па желбата за стратегија ја имам многу одамана. Таа датира од сега веке ,,антологиските,, civilisation и red alert. Тоа се можам да кажам моите први чекори во љубовта кон стратегиските компјутерски игри. Со тек на времето се појави и Империја Онлајн играта, која до сега ми го има задржано вниманието најдолго од сите игри кои досега поминале одреден период на мојот компјутер. Ник-от не е нешто посебно. Како што се гледа, тој е дел, т.е скратеница од моето име.
Вашите најголеми успеси, и најголеми разочарувања се ?
Ivo5: Во ваква стратегиска игра, мислам дека успесите и разочарувањата ги има многу и се составен дел од циркусот кој секој ден станува се поинтересен. Тоа се должи на динамиката на самата игра. Критериумот за успех и разочарување во оваа игра е многу осетлив и границата помеѓу овие два дијаметрално различни моменти е многу мала. Затоа не можам да одвојам неколку, затоа што ги има многу. И доклку ја играте и сакате оваа игра, тогаш тие се одлика на вашето ИО секојдневие.
Извесен период ве снема, без права игра, каде изчезнавте ?
Ivo5: Да, тоа е точно. Краток период бев отсутен и многу не се дружев со Империјаните и Номадите. Причина за тоа беше уште едно мое хоби кое во тој момент му требаше дел од моето време, а и мене ми требаше мал одмор после напорната битка во светот бр. 53 кој во тој момент беше свет со најголема конкуренција и голема борбена активност помеѓу сојузите.
Што очекувате од престојново првенство ? За вас двајца веќе со сигурност можеме да кажеме дека ќе бидете дел од него.
Ivo5: Интересно прашање. Па... Очекувам фер и достојна борба помеѓу државите учесници, а исто така, она што е најинтерсно, очекувам рушење на постоечките рекорди од играчи поединци. Кога кажувам рекорди, мислам на: најголем број на војска, највисоко ниво на шпијунажа или контра-шпијунажа и слично. Се надевам дека тие работи ќе ги има што повеќе, бидејќи се интересни за гледање.
Со дел од играчите кој се на самиот врв играте заедно, дали ги познавате останатите играчи и каква е вашата моментална комуникација со нив ?
Ivo5: Да, со el_moro, back1, trenaT, conevski1 i Devils_May_Cry, играм од самите мои почетоци во оваа стратегија. Другите играчи не ги познавам со исклучок на уште неколку од нив, најмногу уште 3-4 играчи со кои сум се срекавал во македонски алијанси во различни светови. А комуникацијата помеѓу нас започна пред некој ден и секој нареден се одвива се подобро и подобро. Така да мислам дека до почетокот на светското првенство, таа ке биде перфектна.
Дали се ова најдобрите играчи од Македонија, кој се во борба за првите 15-ет места ?
Ivo5: На ова прашање ќе одговорам со едно големо и апсолутно ДА, ова е најдоброто од Македонија и затоа натпреварот се вика Светско Првенство во Империја Онлајн, а на него учествуваат и има место само за најдобрите.
Каков пласман можеме да очекуваме од Вас, т.е. дали типувате на кое место би можела Македонија да заврши на престојново првенство ?
Ivo5: Успехот на Македонија не зависи од поединец или само од неколку луѓе кои ќе ја претставуваат нашата држава. Успехот може да се достигне само со колективен напор. Сепак ова е тимска игра во која поединецот мора да се усогласи со останатите членови на неговата алијанса како би се достигнала заедничката цел. Затоа не би брзал со типување затоа што е се уште рано според мене. За тоа, малце покасно, во раните почетоци на Светското Првенство.
Едно интимно прашање до Вас, се надевам нема да ви пречи. Дали играте со дијаманти ?
Ivo5: Да играм со дијаманти, затоа што мислам дека тоа е единствениот пат, единствениот начин со кој можеш да бидеш близу нивото на твоите противници и со малце повеќе знаење од нив и малце подобра стратегија, излезеш како победник во борбата.
Совет некаков за останатите љубители на самата игра, како да се биде меѓу најдоброто од Македонија ?
Ivo5: Совет.... Хмммм.... Ај нека биде вака: За да ја играте оваа игра и бидете успешни во неа, треба вистински да ја сакате! Ако тоа навистина го чуствувате, тогаш препуштете се на сите калкулации, војни стратегии и методи што овој циркус ви ги нуди. А додека сте во него, стално користете ги неколкуте копчиња кои се наоѓаат доле во десниот агол на вашиот екран: книгата, форумот и прашај играч... Преку нив ќе добиете вистински пријател кој ќе ви го отвори магичниот свет на Империја Онлајн.
Ви благодарам на преубавата дружба и на одличното интервју. Се надевам дека нема да завршите во ТОП 10, него ќе бидете на самиот пиедестал, со некоја медаља околу вашиот врат.
|